Kur jeni në një udhëtim të gjatë me makinë ose ndodheni në një ambient me njerëz, detyrimisht ju ndodh që të mos keni mundësi të urinoni pavarësisht sikletit dhe situatës së pakëndshme.
Por, çfarë i ndodh trupit nëse e mbani urinën shumë?
Personat që e mbajnë urinën gjatë, mund të rrezikojnë të infektojnë traktin urinar, si dhe një gjendje kur fshikëza nuk zbrazet si duhet, e njohur si ‘ruajtja urinare’.
Meqenëse fshikëza është si një pellg, moszbrazja si duhet, bën që të krijohen baktere, të cilat dërgojnë tek infektimi.
Është shumë, shumë e rrallë që fshikëza të pëlcasë nga urina, por nuk është e pamundshme, por kjo ndodhë, vetëm tek ata që kanë pasur probleme të mëhershme me fshikëz.
Nëse kjo ndodh, do të ishte tepër e dhimbshme, si dhe nevojitet ndërhyrja e menjëhershme mjekësore, sepse abdomeni mbushet me urinë.
