Ja çfarë do të ndodhë me llogarinë në Twitter të presidentit Obama pasi të përfundojë mandatin e tij

Pas ditës së zgjedhjeve në SHBA do të konfirmohet presidenti i ri i cili bashkë me familjen do të zhvendosen në Shtëpinë e Bardhë.

Familja presidenciale në largim tani do të dorëzojë gjithçka që kishte në shfrytëzim gjatë kësaj kohe, përfshirë këtu edhe llogaritë në rrjetet sociale.

Llogaria presidenciale @POTUS do të vazhdojë të përdoret nga presidenti i ardhshëm, ndërsa postimet e bëra nga presidenti i tanishëm do të ruhen dhe do të zhvendosen në një llogari të re @POTUS44.

Është e paprecedentë në historinë e SHBA dorëzimi i kaq shumë fuqie digjitale.