Pinguini që noton 5 mije milje çdo vit, për të takuar personin që i shpëtoi jetën
Në 2011, Joao Pereira de Souza, një pensionist 71 vjeçar, gjeti në një plazh afer Rio de Janeiro, Brazil, një pinguin që ishte duke ngordhur. Pinguini ishte i uritur dhe i mbuluar në vaj (naftë). Joao e mori dhe filloi të kujdesej për të duke e risjellë në shëndet të mire. Joao e ushqente çdo dite me peshk të freskët dhe filloi të zhvillonte një miqësi me pinguinin që më vonë i vuri emrin Dindim! U desh një javë që Dindim të shërohej dhe kur Joao e la të lirë Dindim nuk kishtë ndër mend të largohej.
Në një intervistë për Globo TV Joao tha: “ Dindim qëndroi me mua për 11 muaj dhe sapo ndërroi pendët ju kthye oqeanit”
Joao mendoi se nuk do e shihte më shokun e tij të ri, por pas disa muajsh Dindim u rikthye dhe qëndroi me Joao për 8 muaj. Dindim ka filluar ta bëj këtë udhëtim çdo vit tashmë.
Joao – “Ai vjen në korrik dhe kthehet në shtëpinë e tij në shkurt dhe çdo vit që kalon bëhemi shokë më të ngushtë”
Dindim mendohet se jeton në bregun e Argjentinës, Kilit ose në Ishullin Malvina, që do të thotë se ai noton rreth 5mijë milje për të takuar shokun e tij që i shpëtoi jetën, Joaon.
Joao shtoi: “ E dua Dindim si të ishte fëmia im, dhe besoj se edhe ai më do shumë. Nuk lejon asnjëri ta prekë përveç meje. Ai më lejon ta laj, ta ushqej dhe qëndron me dëshire në prehërin tim.”
Pinguinët janë kafshë që kanë shumë pak kontakt me njerëzit që e bën këtë rast jashtzakonisht të rrallë. Gjithashtu na bën të mendojme se si i përjetojnë dhe kuptojnë ngjarjet këto kafshë dhe se si ata ndajnë bashkë më njerëzit emocione si mirënjohja, dashuria dhe miqësia.
