Detaje të tjera kanë dalë nga ngjarja e ndodhur dje në Tiranë, ku një vajzë dogji katër makina në Tiranë.
Desara Mancellari është marrë në pyetje në Polici ditën e sotme dhe ka pranuar pas mesditës së të shtunës se i ka vënë flakën makinës “Audi” të babait të 21-vjecarit, me të cilin kishte patur lidhje dashurie.
Ajo ka thënë se kishte një javë që ishte ndarë me të riun me të cilin kishte qenë e lidhur për rreth dhjetë muajsh.
Gjatë këtyre ditëve vajza kishte tentuar të komunikonte me Papajanin dhe në një bisedë ne “Facebook”, e kishte kërcënuar tri ditë më parë.
Policia po verifikon edhe pretendimet e vajzës se ishte dhunuar nga i dashuri dhe babai i saj gjatë lidhjes që ka pasur me Papajanin.
Nga ana tjetër mësohet se 23-vjecarja ia ka vënë zjarrin makinave pasi kishte disa ditë që kërkonte të sqarohej me të riun për arsyen e ndarjes, por ai nuk i kthente përgjigje. I dëmtuari është babai i Filip Papajanit, 21 vjeç nga Tirana.
