Policia italiane ka vënë në pranga një të ri shqiptar, pasi ky i fundit u kap me lëndë narkotike e llojit kokainë.
Mediat italiane bëjnë me dije se është arrestuar shqiptari i identifikuar si Princi Geri, 26 vjeç.
Ai u kap me drogë të llojit kokainë teksa po udhëtonte me autobus. Nga kontrolli i ushtruar nga policia, të riut iu gjet drogë me vlerë rreth 40 mijë euro, e fshehur në të brendshmet e tij.
Më pas kontrollet janë shtrirë dhe në shtëpi, ndërsa rezulton se ishte arrestuar në vitin 2017 për trafik dhe posedim droge.
Policia gjeti më shumë drogë të fshehur në një dollap, gjë që konsolidoi dyshimet ndaj tij.
