Nga Klodian Tomorri
Qytetarët italianë mund të detyrohen t’i paguajne 23 miliardë euro familjes Benetton, nëse qeveria e Romes do te anulloje konçesionin e Autostradës së Luleve.
Dy vjet më parë, e gjitha Italia u trondit nga shembja e nje ure në qytetin e Genoas. Pjese e autostradës A10, e cila mirëmbahet me koncesion nga familja Benetton, ura Morandi u shemb duke shkaktuar 43 viktima dhe mbi 500 të plagosur. Tani, që qeveria italiane po përpiqet te anullojë konçesionin pas zemërimit legjitim te qytetarëve, kompania po kërcënon me arbitrazh.
Ekspertet ne Itali thone se nëse qeveria e Contes do të miratojë vendimin për heqjen e koncesionit, gjasat jane që buxheti i shtetit të penalizohet. Kontrata e koncesionit i jep kompanisë kauze të fortë në arbitrazh dhe anullimi nga ana e qeverisë do te ishte shkelje e njëanshme. Ne fillim të vrasin, pastaj të bëjnë të paguash. Ose anasjelltas. Kjo eshte fatura e koncesioneve korruptive.
Ajo që po ndodh ne Itali sot është paralajmërimi i asaj qe mund te ndodhë në Shqipëri nesër. Dhënia e të drejtave ekskluzive apo licencave monopol tek bizneset private pa garë dhe pËrmes procedurave të dyshimta ligjore ka faturë të rende. Italianet po e paguajne me jetë dhe me para. Ne kemi filluar ta paguajmë me para, shyqyr Zotit, deri tani jo me jetë. Por rreziku eshte aty. Italia e tregoi.
