Italia ka regjistruar në 24 orët e fundit, bilancin më negativ të pandemisë që prej përfundimit të izolimit total.
Autoritetet shëndetësore kanë raportuar për 1,912 raste të reja pozitive, ndërkohë që dje ishin 1786.
Ndërkohë, viktimat u shtuan me 20, tre më pak se dita e djeshme.
Rajoni më i goditur është sërish Lombardia me 277 raste, ndjekur nga Kampania me 253 dhe Lacio me 230.
Organizata Botërore e Shëndetësisë e ka lavdëruar publikisht Italinë për menaxhimin e situatës së përhapjes së pandemisë në muajt e fundit, megjithëse bilanci në vendin fqinj po kthehet sërish në rritje, edhe pse graduale dhe më e kufizuar se ajo e Francës dhe Spanjës./ Opinion.al
