Ministri italian i Mbrojtjes, Gudio Crosetto ishte i pranishëm në ceremoninë e mbajtur në Kuçovë për hapjen e Bazës ajrore në Kuçovë dhe gjatë fjalës së tij, vlerësoi marrëdhëniet mes Shqipërisë dhe Italisë.
Ai u shpreh se Shqipëria është një shtyllë solide dhe kolonë e patjetërsueshme e Perëndimit dhe Italia është një nga mbështetësit kryesore të saj.
“Një pikë kthese për mbarë rajonin e Ballkanit perëndimor. Prania jonë këtu dëshmon mbështetjen e Italisë ndaj Shqipërisë. Rrugëtimi drejt demokracisë i Shqipërisë nisi vite më parë që e bëri të anëtarësohej në Këshillin e Europës dhe në NATO. Shqipëria është një shtyllë solide dhe kolonë e patjetërsueshme e Perëndimit dhe Italia e ka mbështetu me forcë anëtarësimin në BE dhe ndan kënaqësinë që mori ditën jeshile për anëtarësimin. Është një shenjë e pastër e thellë dhe jetëgjatë për një bashkëpunim të fortë në çdo fushë. Një mbështetje e ndërsjellët e jona që shfaqet përmes stërvitjeve të përbashkëta, më pëlqen të kujtoj programet në fushën e formimit që sjellin dialog dhe kapacitete që bëjnë të mundur stërvitej profesionale. Përurimi i bazës ajrore ë Kuçovës nuk është vetëm një pikëmbërritje por një pikënisje për shpalosjen e mbrojtës profesionale. Në një kohë që karakterizohet nga sfida është një simbol për të përballuar sfidat e tashme dhe të ardhme, jam i sigurt që do kemi horizonte të tjera bashkëpunimi mes Shqipërisë e Italisë”,-tha ministri italian.
