Lojtarët dhe trajnerët që punuan me të te Milani, aktorë dhe prezantues, gazetarë, showgirls që kanë lindur artistikisht dhe kanë bërë karrierë në televizionet e tij, politikanët, padyshim, dhe zyrat shtetërore, që nga Presidenti i Republikës Sergio Mattarella te kryeministrat aktualë dhe ish-kryeministrat, si Giorgia Meloni dhe Mario Draghi, dhe njerëz të thjeshtë, të ardhur nga e gjithë Italia i dhanë sot lamtumirën ish-kryeministrit italian, Silvio Berluskoni.
Në kishën katedrale të Milanos u zhvillua ceremonia mortore shtetërore për Berlusconin, i cili u nda nga jeta në moshën 86-vjeçare të Hënën, në spitalin San Rafaele të Milanos, ku së fundi kurohej nga leucemia kronike.
Mes dhjetëra krerë shtetesh ndodhet edhe kryeministri Edi Rama, i ulur në vijën e dytë të të ftuarve në krah të homologut hungarez Viktor Orban.
Në fotot e publikuara nga mediat italiane shfaqen fëmijët e Berlusconit të përlotur gjatë ceremonisë mortore, gjithashtu dhe partnerja e tij Marta Fascina.
