ROME- Shumë militantë sllavë dhe shqiptarë janë kthyer nga lufta e Sirisë. Është skenar shqetësues që po përgatitet për të sulmuar jubileun e 8 dhjetorit, shkruajnë mediat italiane. Vatikani dhe vendeve të shenjta kërcënohen nga një degë e fshehtë e Shtetit Islamik në Ballkan.
Arrestimet dhe dëbimet e fundit nga Breshia Peruxha dhe Venecia në koordinim me forcat e policisë së Kosovës, tregojnë se ka një rrjet të ashtuquajtur: “Celula e Ballkanit” që tashmë është shtrirë në qytetet italiane. “Xhihadistët përfitojnë nga lëvizja e emigrantëve myslimanë të ish-Jugosllavisë dhe Shqipërisë”, shkruan Il Giornale.
Sipas vlerësimeve nga CIA dhe shërbimet e sigurisë evropiane nga Ballkani janë 700 persona që luftojnë për ISIS prej tyre 350 nga Bosnja, nga Kosovë 150 dhe nga Shqipëria 140. Po kështu sipas mediave italiane janë shtuar ushtarët e ISIS nga Mali i Zi, Maqedonia dhe Serbia.
Çfarë është më e frikshme për forcat italiane të sigurisë në prag të Jubileut është kthimi i mundshëm i këtyre ushtarëve në vendlindjet përmes kufirit turko-grek.
Në mes të Bosnjës dhe Kosovës, sipas shërbimeve të sigurisë kroate, është ngritur baza e fshehtë e ISIS. Dhe kjo bazë ëshët tashmë në veprim. Baza është ngritur nga një veteran i Kalifatit dhe ka qëllim deportimin në Europë.
