Një shpërthim ka ndodhur në termocentralin Enel në Bolonja të Italisë, pasditen e sotme rreth orës 15:00.
Bilanci paraprak flet për 3 të vdekur, 10 të plagosur e 6 të zhdukur.
Duket se numri i të lënduarve është i destinuar të rritet, ndërsa shkaku u shpërthimit nuk dihet ende me saktësi.
Nga informacionet e para bëhet me dije se shpërthimi ka ndodhur në një gjenerator të lidhur me një turbinë.
Termocentrali në komunën Camugnano, i përket Enel. I ndërtuar në bregun e liqenit Suviana, është më i fuqishmi në Emilia Romagna.
