Menaxheri shqiptar i një diskoteke në Itali pas një sherri me klientët shkoi të marrë automatikun dhe u kthye në klubin e natës për t’u hakmarrë me ta.
Ngjarja ka ndodhur natën e së shtunës dhe të dielës në një diskotekë të njohur në Bisceglie dhe për të shmangur agravimin e situatës kanë qenë oficerët e sigurimit të klubit që kanë bllokuar 35-vjeçarin.
Fatmirësisht në orën 03:30 kishte pak njerëz dhe oficerët e sigurisë e kuptuan menjëherë se çfarë po ndodhte, duke e detyruar burrin të hidhte automatikun. Shqiptari u neutralizua dhe u arrestua nga policia.
