Ka nisur sot punimet Legjislatura e 18 e parlamentit të ri italian pas zgjedhjeve të 4 marsit. Deputetë e senatorët italianë kanë votuar dy herë rradhazi pa mundur të arrijnë 2/3 e shumicës së votave për emërimin e kryetarëve të dy dhomave të parlamentit. Kanë të drejtë dhe një herë të tretë për të votuar e në rast se reuzltati do të jetë përsëri negativ votimi i katër do t’i jap drejtimin e dhomës së deputetëve dhe të senatit italian, kandidatit që do të marrrë shumicën mundshme të votave.
Ndërohë në koaliconin e qëndrës së djathtë thellohet çarja mes aleatëve. Matteo Salvini ka deklaruar sot se Partia e tij Lidhja propozon Ana Maria Berninin, senatore të Forza Italias si kryetare të Dhomës së Senatit duke dalë kështu kundër propozimit të Silvio Berlsuconit që kishte zgjedhur për këtë post, kreun e grupit të forcës së tij politike Paolo Romani.
Por kandidatura e Paolo Romani ka qënë dhe shkaku i prishjes së marrëveshjes së arritur gjatë konsultimeve mes Lëvizjes 5 Yje e Lidhjes.
5Yjet kanë deklaruar se nuk do të pranojnë të kandidojnë për poste të larta në legjislaturën e re persona të vënë nën hetim apo të dënuar më parë nga drejtësia italian e senatori Romani kohë më parë rezulton i përfshirë në një proces hetimor.
Pas deklaratës së Matteo Salvnit, lideri i Forza Italias ka thirrur në një mbledhje urgjente kryesinë e partisë së tij.
Zgjedhja e kryesive të dy dhomave të parlamentit italian është hapi i parë drejt krijimit të qeverisë së re. Loja politike mbetet e hapur e përcaktuese janë orët e ardhshme me dy votimet e rradhës së deputetëve dhe të senatorëve të sapozgjedhur./OraNews
