Italia po përballet me një mot të keq, nga Veriu në Jug, ku shumë zona janë përfshirë nga reshjet e dëborës dhe të shiut. Mediat italiane raportojnë se në disa zona si Friuli-Venezia Giulia dhe në Provincën e Bolzanos është dhënë alarmi i kuq.
Ndërsa shumë lokalitete në Alto Adige janë izoluar për shkak të reshjeve të borës. Në 24 orët e fundit, në këtë zonë ka pasur 500 ndërhyrje shpëtimi nga zjarrfikësit dhe vullnetarët, ndërsa mbi 50 rrugë janë bllokuar.
Në Emiglia Romanja, lumi Panaro ka dalë nga shtrati ndërsa mbrojtja civile italiane ka nisur evakuimin e banorëve. Në ndihmë të Emergjencave Civile kanë ardhur edhe trupa nga Toskana dhe Pimonte.
Për shkak të rreshjeve të shiut dhe si rrjedhojë prurjeve të mëdha të lumit ka rënë dhe ura e Venetos, duke marrë me vete dhe një mjet të emergjencave civile, por fatmirësisht tre punonjësit ishin në vend të sigurt dhe kanë arritur të shpëtojnë.
Autoritetet italiane njoftuan se për arsye sigurie, përkatësisht rrezikut të ortekëve, rënies së pemëve apo rrëshqitjes së dherave në zonat më të prekura nga moti i keq u pezullua edhe transporti hekurudhor./ Opinion.al
