Dy aksidente të rënda të ndodhura ditën e djeshme në Itali, kanë pasur në qendër dy shqiptarë që kanë humbur jetën
Në aksidentin e parë humbi jetën 25 vjeçarja Besarta Beqiraj, e cila po shëiste me bashkëshortin dhe vajzën e saj.
Besarta Beqiraj, e cila ishte mbesa e juristit të njohur Idajet Beqiri, u përplas për vdekje nga një autoveturë në sheshin “Europa” në Crema të Italisë, ndërsa shoferi, autor i krimit nuk ndaloi t’i jepte ndihmën e parë, por u largua me shpejtësi.
Bashkëshorti i Besartës, Joni, nuk u dëmtua, pasi makina ka marrë para vetëm 25 vjeçaren. Shtetasja shqiptare u transportua menjëherë
në spitalin e Bergamos, por nuk mundi t’iu rezistojë plagëve të marra nga goditja e fortë e makinës. Sipas hetimeve të kryera autoritetet italiane, makina që përplasi shqiptaren është një “Fiat Grande Punto” e prodhuar në vitin 2005.
Autori, i cili ende nuk është identifikuar rrezikon të dënohet nga 1 deri në 3 vjet burg dhe pezullim të patentës nga 18 muaj deri në 5 vjet.
Ditën e djeshme edhe një tjetër shqiptar ka humbur jetën nga një aksident në Itali. Ai teksa po udhëtonte me makinën e tij për në punë u përplas me një kamion dhe vdiq në vend si pasojë e përplasjes, makina u shkatërrua tërësisht.
Viktima është Bledar Hasmataj, 38 vjeç, i cili banonte në Vicenza, baba i tre fëmijëve.
Mediat italiane raportojnë për një aksident tragjik të ndodhur një aks rrugor me shumë probleme dhe që po merr jetë njerëzish.
”E njëjta rrugë, e njëjta dinamikë, i njëjti fund tragjik. Dhe hije shqetësuese: gjurmët e karburantit në asfalt duket se është një shkak për disa jetë të humbura”. Karabinieri italian u shpreh se 38vjeçari humbi kontrollin e makinës “Seat Arosa”, duke dalë në korsinë e kundërt.
Kjo manovër ishte fatale, pasi në korsinë tjetër po vinte një kamion me shpejtësi, me të cilin është përplasur shqiptari.
