Shkrimtari shqiptar, Ismali Kadare feston sot 88-vjetorin e lindjes.
Kjo ditë është kujtuar nga disa nga figurat e politikës shqiptare, të cilët përmes postimeve në rrjetet sociale, i kanë uruar shkrimtarit 88-vjetorin e lindjes.
Presidenti Bajram Begaj i ka uruar një jetë të gjatë dhe me shëndet shkrimtarit tonë të madh.
“Universi i tij i mrekullueshëm letrar i përcolli Shqipërinë perëndimit, nëpërmjet Ilirisë, legjendave ballkanike, Homerit në epopetë shqipe dhe Eskilit në dramat e kohëve moderne. Kadare është një urë e fortë dhe e bukur e jona me perëndimin”, shkroi ai.
Ndërkohë, kryeministri Edi Rama zgjodhi që të shpërndajë një video në nderim të tij.
Edhe kryetari i Bashkisë së Tiranës, Erion Veliaj e ka uruar gjeniun e letrave shqipe.
“Gëzuar ditëlindjen kolosi i letërsisë shqiptare, Ismail Kadare”, shkruan Veliaj.
