Militantët e ISIS kanë nxjerrë një video të re, në të cilën tregohet ekzekutimi i 5 spiunëve britanikë dhe kërcënohet Kryeministri David Cameron, lidhur me fushatën në Siri.
Në videon, që mendohet se është postuar nga një grup i vendosur në Raqqa, tregohen 5 burra të veshur me kostume ngjyrë portokalli, që pohojnë se janë spiunë të shërbimit britanik.
Më pas, të pestë personat shihen të ulur në gjunjë përpara ekzekutorëve, ndërkohë që një ushtarak flet në theksin anglez, se ata janë braktisur nga qeveria britanike.
Mendohet se spiunët nuk janë anglezë, por janë ekzekutuar sepse punonin për koalicionin duke nxjerrë fotot dhe video nga Raqqa.
Teksa flet përpara kamerës, njëri prej personave të maskuar dëgjohet të thotë: “Ky është një mesazh për David Cameron,” të cilin e përshkruan si “frikacak” dhe “skllav të Shtëpisë së Bardhë”.
