“Është një humbje e madhe për institucionin tonë, gjithë familjen, të afërmit dhe ata qe e njohën. Kemi kaluar shumë kohë të mira me të dhe gjithmonë ka qene vetëm me humor dhe i qeshur. Dje e takuam për herë të fundit teksa kemi konsumuar një kafe rreth orës 13:30. Ishte si zakonisht i qeshur dhe me batuta. Nuk vërejtëm asnjë shqetësim tek sjellja e tij apo ndonjë problem. Ishte normal si çdo dite tjetër”.
Kështu ka deklaruar, Agim Dardha drejtor i administratës të Zonave të Mbrojtura në Shkodër për 35-vjeçarin Ferdinand Polia, i cili u ekzekutua të mërkurën.
Pronari i një bujtine në zonën e Thethit ishte edhe punonjës në Administratën e Zonave të Mbrojtura, ndërsa u qëllua me armë teksa po udhëtonte me fuoristradë, së bashku me një person.
Autori e ka ndjekur me motor dhe në një kthesë ka hapur zjarr me breshëri. Ai është dërguar me urgjencë në spitalin e Shkodrës, por nuk ka mundur t’u mbijetojë plagëve. Nga këqyrja e trupit rezulton se 35-vjeçari ka marrë 18 plumba./Opinion.al
