Kryesore

Betohen 3 deputetët e rinj, Ralf Gjoni sulmohet me bojë


Bëhu pjesë e Grupit Zyrtar të Opinion.al
>> KËTU <<
               Publikuar në : 10:12 - 21/03/19 |
b.f

Tre deputetët e rinj të LSI-së, janë betuar në Kuvend. Ata janë Ralf Gjoni në Tiranë, Nimet Musai në Fier dhe Enada Koçiraj në Vlorë. Më herët Ralf Gjoni është sulmuar nga një i ri në dalje të pallatit ku ai banon.

I riu e priste i ulur te dalja e pallatit. Më të parë kandidatin për deputet Gjoni, ai është çuar në këmbë, i ka derdhur në fytyrë një bojë të kuqe nga shiringa që mbante në duar, e më pas është larguar me vrap. Ende nuk dihet se çfarë solucioni kimik është përdorur ndaj Ralf Gjonit, ndërsa ka thënë se jë pjesë e bojës nuk i hiqet nga lëkura, ndërsa ka pasur edhe djegie brenda syve.

Gjoni, i cili pranoi të merrte mandatin e deputetit pas konsultimeve me të huaj, akuzon se prita ndaj tij është porositur nga lart.

Më hodhën bojë me anë të një shiringe. Ai dhe ajo që e kanë porositur këtë lloj sjellje rrugësh duhet ta dinë që kam ardhur këtu të betohem dhe nuk frikësohem në asnjë moment. Jam këtu që të përfaqësoj të gjithë ata të rinj dhe të reja që kanë shpresë se ky vend mund të bëhet. Unë kam ardhur për t’u betuar, nuk kam ardhur për të marrë një rrogë të qelbur shteti, por të përfaqësoj ata shqiptarë që ndihen të papërfaqësuar. Nuk do të lejoj kurrë që emri im të keqpërdoret. Mendoni që unë vij për t’i bërë fresk qeverisë”?

Tre depujtetët nuk u dogjën mandatin:
1. Lefter Koka
2. Myslim Murrizi
3. Rudina Hajdari

11 janë betuar:
1. Ylli Shehu
2. Aurora Mara
3. Enver Roshi
4. Edmond Rrushi
5. Lefter Maliqi
6. Alban Zeneli
7. Ligoraq Karamelo
8. Majlinda Halilaj
9. Ediola Braha
10. Edlira Hyseni
11. Elda Hoti/Opinion.al

 

Pas