Policia italiane ka arrestuar një 50-vjeçar shqiptar, i cili u kap me një sasi heroine. Mësohet se shqiptari u kap në Portin e Ankonës dhe iu sekuestrua 24 kg heroinë që e kishte fshehur në makinë.
Mediat italiane bëjnë me dije se i arrestuari, identiteti i të cilit nuk është zbuluar, ishte nisur nga Porti i Durrësit me destinacion Italinë.
50-vjeçari udhëtonte me një makinë Mercedes dhe droga ishte fshehur në sediljet e pasme të automjetit.
Nga kontrollet e autoriteteve italiane u gjetën dhe sekuestruan 24 kg heroinë e ndarë në 43 pako, që nëse hidhej në treg do të kapte një vlerë rreth 1 milion Euro.
Tashmë makina dhe heroina janë sekuestruar nga policia italiane, ndërsa shqiptari pritet të përballet me autoritetet italiane./Opinion.al
