Deklarata skandaloze e Tacconit, nuk do të na kishte befasuar nëse do ta kishim dëgjuar mbas një evenimenti të ndeshjeve UFC, por ato shkojnë drejt Gianluigi Buffon dhe Robert Lewandowskit.
Ishportieri i Juventusit ka kritikuar Buffon për mënyrën se si ka vepruar gjatë golit të parë të Bayern, të shënuar nga Lewandowski në 1/8 e Champions League.
“Buffon duhet të kishte dalë nga porta përpara se të shkonte Lewandowski,” shprehet Tacconi për Radio Kiss Kiss.
“Ai duhet ta kishte goditur në fytyrë, që të sigurohej që sulmuesi mos të godiste topin.”
58-vjeçari vijon më tej me deklaratën tij skandaloze: “Po të isha unë, do t’ia kisha thyer të gjitha kockat që ka në trup, nga mollëzat deri te gjunjët. Por ditët e sotme portierët nuk janë më siç kanë qenë në kohën time. Dilnim pa u menduar shumë nga porta, sot është ndryshe.”
FC Bayern Munich e mundi ekipin italian me rezultatin 4:2 pas një përmbysje të çmendur.
