Avokati i ish-kryeministrit Sali Berisha, Genc Gjokutaj, ka folur pas miratimit të vendimit nga GJKKO.
Në një deklaratë për media ai ka theksuar se mandati i Berishës mbetet i pacenuar ligjërisht, pasi nuk mungon në kuvend me dëshirën e tij.
Gjokutaj tha se kjo është në kundërshtim me kushtetutën.
“Berishës mandatin ia ka dhënë populli dhe nuk mungon në Kuvend për shkak të dëshirës së tij, pra pa arsye. Ne kemi bërë kërkesë në gjykatë, SPAK, Apel e Gjykatën e Lartë dhe ata kanë vendosur në kundërshtim me kushtetutën dhe praktikën e tyre.
Kemi raste të arrestuarish që kanë shkuar në kuvend dhe kanë votuar. Nuk është për faj të tij, kështu që mandati i tij mbetet i pacenuar ligjërisht”, tha Gjokutaj.
