Ish-deputeti i Partisë Socialiste, Jurgis Çyrbja është marrë në pyetje ditën e sotme për rreth 2 orë nga ana e Prokurorisë së Posaçme dhe më pas është shoqëruar për në ambientet e paraburgimit.
Ish-deputeti ka dhënë shpjegime sa i takon veprës penale të “korrupsionit në zgjedhje”, “tregimit të sekretit shtetëror” dhe “përkrahje të autorit të krimit”.
Burime për Klan News bëjnë me dije se ish-deputeti i ka mohuar akuzat e SPAK.
Prokuroria e Posaçme thotë se ish-deputeti është përfshirë në korrupsion zgjedhor pasi duke përkrahur dhe dhënë informacion Altin Hajrit, një të shumë kërkuari për rrëmbimin dhe vrasjen e Jan Prengës në Kamzë, ka përfituar prej tij vota në zgjedhjet e 2021.
Gjithashtu SPAK ka gjetur komunikime ku Çyrbja rezulton të ketë dekonspiruar disa operacione të Policisë për kontrolle me qëllim arrestimin e personave në kërkim në qarkun e Durrësit.
