Gruaja shtatzënë që u vra mbrëmjen e së mërkurës në Prishtinë do të përcillet sot për në banesën e fundit.
Familjarë të viktimës kanë thënë se varrimi do të bëhet në orën 13:00.
Sipas autopsisë, viktima, e cila ishte në muajin e 9-të të shtatzënisë, u qëllua me 3 plumba, dy në gjoks dhe një në kokë, që rezultuan fatale për jetën e saj. Ndërkohë ish-burri i saj, Sokol Halili është ende në arrati. Policia e Kosovës deri tani ka gjetur automjetin, me të cilën ka lëvizur i dyshuari dhe ka kërkuar bashkëpunimin e qytetarëve për arrestimin e tij.
Viktima ishte pajisur me urdhër mbrojtje ndaj ish-bashkëshorti, për shkak të dhunës së ushtruar nga ai. Familjarët e të ndjerës kanë treguar se 35-vjeçarja dhe autori ishin ndarë 5 muaj më parë.
