Rajoni

Isa Mustafa kërkon përkrahje ndaj qeverisë për dialogun Kosovë-Serbi


Bëhu pjesë e Grupit Zyrtar të Opinion.al
>> KËTU <<
               Publikuar në : 21:21 - 26/07/20 |
el ida

Kryetari i Lidhjes Demokratike të Kosovës, Isa Mustafa, tha se ka biseduar me Koordinatorin Shtetëror për dialog, Skender Hyseni rreth procesit të dialogut me Serbinë.

Përmes një postimi në Facebook, Mustafa tha se dialogu është krejtësisht politik dhe rezulton me marrëveshje politike ndërshtetërore për njohje reciproke.

“Sot kisha një bisedë telefonike me z. Skender Hyseni, Koordinator Shtetëror për dialog. Shpreha përkrahjen time dhe të LDK-së për kursin se nuk ka asnjë marrëveshje të veçantë, jashtë marrëveshjes gjithëpërfshirëse që rezulton me njohje reciproke”, tha ai.

Mustafa theksoi se për këtë proces duhet të ketë bashkëpunim ndërinstitucional dhe të të gjithë aktorëve politikë.

“Në këtë proces duhet dhënë përkrahje të fuqishme Kryeministrit Hoti, Qeverisë, Presidentit si dhe të gjithë mekanizmave shtetëror që e cojnë përpara këtë dialog politik. Përgjegjësia për dialogun bie mbi koalicionin qeverisës, ndërkaq pronësia e dialogut i takon shumicës kushtetuese parlamentare dhe asnjë subjekti veç e veç”, tha Mustafa.

Qeveria Hoti ka marrë kritika nga partnerët e koalicionit si dhe opozita për mënyrën e rifillimit të dialogut me Serbinë.

Pas 20 muajsh ndërprerje, rinis më 16 korrik dialogu politik ndërmjet Kosovës dhe Serbisë, me ndërmjetësimin e Bashkimit Evropian.

Pas këtij takimi, delegacionet e ekspertëve, të të dyja vendeve, u takuan në Bruksel më 23 korrik./Opinion.al

Pas