Byroja e Kuvendit ka hedhur poshtë kërkesën e PD-së, për të përjashtuar kryeministrin Edi Rama për 10 ditë nga punimet e Kuvendit.
Nënkryetari i PD-së dhe i Kuvendit, Edmond Spaho tha se “kryeministri përdori fjalor rruge në sallën e kuvendit. Të presësh drejtësi nga Byroja e Kuvendit për kryeministrin është si të presësh vezë nga gjeli. Nuk besoj se Musai dhe Anastasi të votojnë përjashtimin e Ramës”, u shpreh Spaho.
Mbledhja e Byrosë së Kuvendit u bë me kërkesë të PD-së, për shkak të fjalës së Kryeministrit të enjten e shkuar në parlament, ku ai e cilësoi opozitën si një “tufë e vogël… që kërkon të hajë njëri tjetrin”.
Të enjten e shkuar kjo solli reagime të forta nga deputetët e opozitës, të cilët tentuat t’i ndalonin edhe fjalën kryeministrit.
