Ish-kryetari i Grupit Parlamentar të Parisë Demokratike, Edi Paloka ka reaguar ndaj aksionit të Policisë në Tiranë ku janë arrestuar me dhjetëra zyrtarë dhe ish-zyrtarë në lidhje me tërmetin e 26 nëntorit.
Nëpërmjet një statusi në Facebook, Paloka bën përgjegjës ish-kreun e Bashkisë së Krujës, Artur Bushi dhe ish-kryebashkiakun e Durrësit, Vangjush Dako për viktimat shkaktuara në Thumanë dhe Durrës.
“Në Thumanë vdiqën 24 qytetarë, viktima të neglizhencës dhe abuzimit të Bushit.
Në Durrës vdiqën dhjetëra të tjerë, si rezultat i babëzisë së Dakos.
Po nderkohe qe Gjushi dhe Bushi “po bëjnë letrat” , arrestohen ish-kryetarë të komunave në Tiranë.”, shkruan Paloka.
Ditën e sotme policia ka nisur ekzekutimin e dhjetëra urdhër arresteve në Tiranë ku deri tani janë shoqëruar 27 persona. Aksioni është shtrirë në zonën e Vorës, Kasharit dhe Farkës ndërsa bëhet e ditur se ndër personat e ndaluar janë edhe ish-kryekomunari i Farkës Fatbardh Plaku dhe ai i Kasharit Besnik Fuçia, si dhe shefi i Urbanistikës në Vorë, Luan Beta. /Opinion.al
