Presidenti iranian, Hassan Rohani deklaroi se Teherani mund të zhvillojë negociata me Shtetet e Bashkuara, nëse këto të fundit heqin sanksionet ndaj Iranit.
“Republika Islamike favorizon biseda dhe negociata, dhe nëse Shtetet e Bashkuara dëshirojnë të bisedojnë, atëherë duhet të heqin sanksionet”, tha Rohani.
Pak më herët kreu i shtetit iranian tha se “paqja me Iranin është nëna e të gjitha paqeve” dhe “lufta me Iranin është nëna e të gjitha luftërave”, teksa mbrojti marrëveshjen e nënshkruar më 2015 mes Iranit dhe fuqive botërore.
Tensionet mes SHBA-së dhe Iranit janë tensionuar pasi presidenti amerikan, Donald Trump është tërhequr një vit më parë nga marrëveshja bërthamore që Irani ka nënshkruar me fuqitë botërore më 2015. Kjo marrëveshje parashikon lirim të sanksioneve për Iranin në këmbim të frenimit të aktivitetit bërthamor./Opinion.al
