Irani ka njoftuar se do të lejojë kalimin e më shumë anijeve nëpër Ngushticën e Hormuzit, një nga rrugët më të rëndësishme detare në botë për transportin e naftës dhe mallrave.
Sipas televizionit shtetëror iranian, anijet do të kalojnë të koordinuara nga forcat detare të Gardës Revolucionare Islamike. Raportohet se gjatë 24 orëve të fundit mbi 30 anije janë autorizuar të kalojnë përmes kanalit strategjik.
Mediat iraniane bëjnë të ditur se edhe disa anije kineze kanë marrë leje për të kaluar në këtë zonë. Autoritetet iraniane theksojnë se ky vendim tregon pranimin e protokolleve të reja ligjore të vendosura nga Irani në rajon dhe në Ngushticën e Hormuzit.
