Kryeministrja Italiane Giorgia Meloni ka mbrojtur hapur kreun e qeverisë Shqiptare, Edi Rama pas investigimit të publikuar në emisionin “Report” në Rai 3.
Meloni është shprehur se Rama u liçua pasi ndihmoi Italinë me marrëveshjen e arritur për emigrantët mes Shqipërisë dhe Italisë.
“Dua t’i shpreh solidaritet Edi Ramës, i cili u liçua vetëm se ndihmoi kombin tonë”- tha Meloni në Pescara gjatë konventës në të cilën shpalli kandidaturën e saj në zgjedhjet europiane të 8 dhe 9 qershorit.
“Për emigrantët “bëmë marrëveshje me Edi Ramën, e majta propozoi ta përjashtonte nga socialistët europianë në vend që ta falënderonin se kishte vepruar në emër të solidaritetit europian, por zgjodhën ta linçonin. Organizuan një dokumentar për Shqipërinë në të cilin e portretizonin si një narko-shtet. Solidaritet me Ramën, Tiranën dhe gjithë popullin shqiptar”, tha më tej Meloni.
Në investigimin e “Rai 3”, u publikuan dokumente dhe informacione që sipas tyre, eksponentë të rëndësishëm të qeverisë “Rama” janë të lidhur me botën e krimit dhe të korrupsionit.
