Grupi Parlamentar i Partisë Demokratike ka kërkuar sot një interpelancë urgjente me kryeministrin Edi Rama përsa i përket investigimit të bërë ndaj Olsi Ramës dhe Engjëll Agaçit në televizioni shtetëror italian Rai 3 dhe raportimeve për ndërhyrje ndaj kësaj mediaje.
Në kërkesën e depozituar theksohet se në datën 22 Prill 2024, “emisioni “Report” në televizionin publik italian RAI 3 ka publikuar një investigim për lidhjet e forta të krimit të organizuar me qeverisjen e Edi Ramës”.
“Në këto kushte, me qëllim dhënien e informacioneve dhe shpjegimeve lidhur me shqetësimet e paraqitura në përmbajtje të investigimit të emisionit “Report”, në televizionin italian RAI 3, si dhe ndërhyrjen tek drejtuesit e këtij televizioni lidhur me këtë investigim nga ana e Kryeministrit Edi Rama, kërkojmë zhvillimin e një interpelance urgjente me kryeministrin Edi Rama” – thuhet në shkresën e firmosur nga Kryetari i Grupit Parlamentar të PD Gazment Bardhi./Opinion.al
