Ende pa nisur mirë sezoni turistik grupe turistësh dhe guida të ndryshme ndalen në Elbasan. Qendra historike e qytetit, Kalaja, “Vija Egnatia”, Bazilika, Muzeu Etnografik etj., mbeten disa nga vendet më të frekuentuara.
Të huajt kanë mjaft interes të njihen edhe me traditën historinë dhe kulturën. Mjaft prej tyre vijnë për herë të parë dhe shprehen të impresionuar për atë çfarë përjetojnë.
“Jam për herë të parë këut, vij nga Anglia. Trafiku është më mirë se në Tiranë. Kam ecur në këmbë në zonën historike dhe kishte mjaft lokale, është bukur”, tha një turist.
“Më pëlqen është bukur”, tha një tjetër.
Drejtori i Agjencisë së Turizmit pranë Bashkisë së Elbasanit, Artur Guni shprehet se interesi krahasuar me të njëjtën periudhë të një viti më parë është më i lartë.
“Elbasani ka shumë në fakt për të vizituar, por turistët kryesisht preferojnë të frekuentojnë kalanë dhe sidomos Shtëpinë Etnografinë”, tha Guni.
Sipas tij Elbasani ofron një sërë lloje turizmi duke nisur nga ai historik, kulturor, natyror, kulinar, mjekësor, hipizëm, aventurës, hiking etj.
“Rreth Elbasanit janë llixhat që është një atraksion më vete dhe pastaj kemi Gjinarin, Funarin, e gjithë malësia e Elbasanit është një vend që ka tërhequr vitet e fundit turistë pa fundit”, tha Guni.
Ndërsa bashkitë dhe njësitë vendore janë duke i kushtuar vëmendje turizmit si një mundësi për rritjen e të ardhurave dhe mirëqenies së zonave të tyre
Klan News
