Benjamin Gecaj është studenti i Shkencave Kompjuterike i cili ka marrë një shpërblim të majmë nga rrjeti social Instagram. Kjo për faktin se Gecaj kishte arritur të përmirësoj gabimet e kësaj platforme.
Ai ka përfituar një shumë prej 25 mijë dollarësh. Gecaj, thotë se Instagram është platformë që ka tipare dalluese, por për të nuk ka qenë e vështirë që të gjejë mangësi në sigurinë e përdoruesve.
“Për disa muaj rresht kam testuar mangësitë dhe gabimet e Instagram-it dhe kam raportuar tek kompania, me ç’ rast si kundërpërgjigje ata më aprovuan testimet, si dhe më kanë shpërblyer me një shumë të konsiderueshme të të hollave, që pres t’i marrë ditëve në vazhdim”, citohet të ketë thënë Gecaj.
