Një foshnjë 4-muajshe, infektuar me koronavirus, është vendosur në intubim, në spitalin “Ippokratio” në Selanik.
Sipas mediave greke, foshnja është shtruar në spital të shtunën pas problemeve me frymëmarrjen.
Edhe pse iu dha oksigjen, mjekët më në fund vendosën se duhej të intubohej, pasi gjendja e foshnjës u cilësuar si kritike. Sipas të njëjtave informacione, foshnja 4-muajshe nuk vuan nga ndonjë sëmundje shoqëruese.
Kohët e fundit, Greqia është duke u përballur me numër të madh rastesh me koronavirus gjatë kësaj vale të pandemisë, ku spitalet janë tërësisht të mbushur.
Mjekët janë shprehur se pjesa më e madhe e të shtruarve janë persona të pavaksinuar, ndërsa gjatë ditës së sotme ministri i Shëndetësisë tha se vendi mund të aplikohen masa kufizuese ndaj të pavaksinuarve./Opinion.al
