Bota

India, vendi i dytë më i prekur nga COVID-19


Bëhu pjesë e Grupit Zyrtar të Opinion.al
>> KËTU <<
               Publikuar në : 10:16 - 07/09/20 |
Opi Nion

India është bërë vendi i dytë më i prekur nga COVID-19 në botë. Në 24 orët e fundit në Indi janë konfirmuar me koronavirus 90,000 raste të reja, duke e çuar numrin e të prekurve në total në 4.2 milionë.

Tashmë India ka tejkaluar Brazilin dhe radhitet pas Shteteve të Bashkuara. Për nga numri i viktimave, India është e treta, pas SHBA-së dhe Brazilit, me mbi 71,000 të vdekur.

Rritja e numrit të rasteve vjen teksa qeveria vazhdon t’i heqë masat e kufizimit, në përpjekje për të nxitur ekonominë, e cila ka humbur miliona vende pune që në muajin mars, kur ka nisur pandemia.

Ekonomia e Indisë është tkurrur për 23.9% në çerekun e dytë të këtij viti, çfarë ka qenë rënia më e keqe që kur ky vend ka nisur të lëshojë të dhëna tremujore, në vitin 1996.

Më shumë se 60% e rasteve aktive me koronavirus në Indi vijnë nga shtetet: Andhra Pradesh, Tamil Nadu, Karnataka, Maharashtra dhe Utar Pradesh, që njëherësh është shteti më i populluar në këtë vend.

Në aspketin global, koronavirusi ka prekur mbi 27 milionë njerëz. Prej tyre, 883,000 vetë kanë vdekur dhe mbi 18 milionë janë shëruar./ Opinion.al

Pas