Bota

Indi/Mutacioni shkaktoi 1 milion infektime në 3 ditë,frikë dhe në Europë  


Bëhu pjesë e Grupit Zyrtar të Opinion.al
>> KËTU <<
               Publikuar në : 23:18 - 24/04/21 |
Opi Nion

Spitalet në Indi po lëshojnë alarmin SOS, sepse pacientët po vdesin nga mungesa e oksigjenit. Është ky imazhi i fundit i makthit Covid në të cilin India është zhytur sërish, e mbingarkuar nga një variant që shkaktoi një milion infeksione në tre ditë. Një mutacion i frikshëm ky, që tani po tremb edhe Evropën.

Pasi u shfaq në Itali, rasti i parë i këtij mutacioni u regjistrua edhe në Zvicër. Varianti i quajtur B.1.617, i cili ka një mutacion të dyfishtë krahasuar me variantin original, duket se është i  transmetueshëm më lehtë.

Ky variant e ka çuar Indinë përsëri në emergjencë të plotë, vetëm një muaj pasi Ministri i Shëndetësisë njoftoi se epidemia kishte marrë “fund”. Por tashmë, sikurse shkruan Ansa, qeveria është e detyruar të dërgojë forcat e armatosura në zonat më të prekura për furnizime.

Në 24 orët e fundit u shënuan 340,000 infeksione të reja, më shumë se një e treta e 893,000 rasteve që u regjistruan në botë. Shumë ekspertë vlerësojnë se do të duhen të paktën tre javë për të arritur kulmin.

 

Grumbullimet masive që janë një zakon për indianët, nga takimet e biznesit deri në dasma, janë gjithashtu ndikues negativë. Për të mos përmendur miliona pelegrinë që u mblodhën edhe një herë në lumin Ganges për zhytjen rituale këtë vit. Spitalet në Delhi dhe qytete të tjera janë të tejmbushura, por situata më serioze është mungesa e oksigjenit për kujdesin intensiv. “Ne jetojmë në një qytet ku frymëmarrja është bërë një luks për shumë njerëz,” tha një mjek nga një spital në kryeqytet për BBC. Vetëm në Spitalin e Jaipurit, 20 pacientë vdiqën nga mungesa e oksigjenit brenda një nate.

Varianti Indian, pikërisht për shkak të mutacionit të dyfishtë, është një arsye për shqetësim në pjesën tjetër të botës, duke përfshirë Evropën, sepse nuk është e qartë nëse vaksinat e përdorura aktualisht janë në gjendje ta neutralizojnë atë (në Izrael Pfizer rezultoi efikas, por në një mënyrë të reduktuar)./Opinion.al

Pas