Një grua 76-vjeçare indiane, u zgjua e tmerruar teksa familjarët e kishin bërë gati për ta djegur pasi menduan se kishte vdekur nga koronavirusi. Gruaja, e identifikuar si Shakuntala Gaikwad nga Baramati, kishte dalë pozitive me koronavirus javën e kaluar.
Pasi gjendja e saj u përkeqësua, anëtarët e familjes e çuan atë në një spital më 10 maj por nuk mundën të siguronin një shtrat sepse të gjitha pavijonet ishin plot.
Teksa familjarët prisnin me padurim jashtë në një automjet privat, gruaja ra pa ndjenja, duke bërë që familja të besonte se ajo kishte ndërruar jetë, raporton Insider. Familja e ktheu atë në shtëpi dhe filloi të përgatitej për djegies, por pak para se të kryenin ritin, Gaikwad hapi sytë dhe filloi të qante, sipas mediave lokale. Ndërkohë polici lokal, Santosh Gaikwad, konfirmoi se incidenti kishte ndodhur. Gruaja u dërgua përsëri në spital për trajtim të mëtejshëm, ndërsa gjendja e saj aktuale nuk dihet.
India është ende në mes të një vale shkatërruese të koronavirusit. Ajo po raporton raste rekord-me koronavirus dhe vdekje çdo ditë, ndërsa pacientët me Covid-19, përballen me mungesën e shtretëve të lirë në spital, mungesën e oksigjenit dhe të trajtimit mjekësor./Opinion.al
