Pretendohet se Ministri i Brendshëm, Saimir Tahiri gjatë një takimi me emigrantët shqiptarë në Athinë, ka pasur një përplasje me një gazetar.
Sipas gazetarit Shpëtim Zinxhiria, ministri Tahiri i ka thënë që të mos xhironte takimin.
Zinxhira shkruan në një status në profilin e tij në facebook se këtë kërkesë-urdhër, Tahiri e ka shprehur me një fjalor prepotent.
“Ministër gangster apo rrugaç? Priste një falje nga ministri po më kot, pasi gangsterët nuk dinë të sillen si njerëz, nuk dinë se ç’është edukata dhe personaliteti aq më keq kur janë të veshur në pushtet. Nuk respektojnë moshën edhe pse përball kanë baballarët e tyre…”, shkruan Zinxhiria.
Gazetari shton se “kamera u fik në një kohë që ministri kishte humbur toruan dhe po u kthente përgjigje emigrantëve me zë të lartë”, por shton se askush nuk mund ta mohojë këtë incident pasi është filmuar nga zëdhënësi i ministrit me audio dhe kamera amatore.
Ndërkohë burime pranë ministrit bëjnë të ditur se zoti Tahiri i ka kërkuar gazetarit të mbyllë kamerën, duke i thënë se ishin pa protokoll, në një bisedë si në familje. Sipas këtyre burimeve, gazetari ka deklaruar se nuk do të mbyllte kamerën, ndërsa ministri i është përgjigjur: “Ok, ti e di”.
Burime pranë ministrit ftojnë gazetarin të publikojë filmimet, për të vërtetuar akuzat ndaj ministrit Tahiri.
DEBATI
Ministri: Fike atë kamer ti more !
Gazetari: Bëj detyrën !
Ministri: Çfarë je ti ?
Gazetari: Jam gazetar, unë punën time ti punën tënde !
Ministri: As më plas fare!
Ambasadori, gazetarit në vesh po deshe fike kameren…
