Kandidatja për deputete e Lëvizjes Socialiste për Integrim, Kejdi Mehmetaj ka denoncuar ditën e sotme se Bashkia e Fierit po heq banerat e partisë së saj nëpër qytet.
Mehmetaj thekson se ka një kontratë mes institucionit dhe LSI, por akuzon Bashkinë se po e shkel.
Mehmetaj së bashku me kandidatë e përfaqësues të LSI kanë shkuar në dyert e Bashkisë për të kontaktuar me zyrtarët, por nuk janë lejuar nga Policia Bashkiake.
“Pse po i hiqni banerat përgjigjuni pak. Do përfundoni në gjyq. Kaq frikë keni nga një baner. Duke dhunuar simpatizantët e LSI, deputetët e LSI. Ja pra në ambientet Bashkisë Fier dhunohen simpatizantët e LSI. More leje për banerin që ke vënë aty more, frikacak. Për një orë do vendoset baneri lart, turp të keni. Keni shkulur shtyllën gjithë natën e keni vendosur banera aty. Do vish të më vendosësh banerin aty mua, ti ose Armando subashi ose Edi Rama, keni frikë nga një baner.”, thotë Mehmetaj.
Kryeministri Edi Rama ditën e sotme ka njoftuar një takim përmbyllës të fushatës në qytetin e Fierit ditën e sotme. LSI pretendon se bashkia ka hequr banerat për shkak të këtij takimi./Opinion.al
