Gjykata Kundër Korrupsionit dhe Krimit të Organizuar ka lënë në burg Loran Dushën, i cili u ekstradua dy ditë më parë nga Zimbabvet drejt vendit tonë.
Dusha i cili ka mbajtur postin e administratorit të inceneratorit të Fierit, nuk ishte i pranishëm në seancën që u zhvillua paraditen e sotme.
Kjo për arsye se ai është i shtruar në spitalin e burgut për shkak të problemeve shëndetësore.
Dusha ishte në kërkim nga Prokuroria e Posaçme pasi akuzohet për korrupsion dhe pastrim parash në lidhje me hetimet për ndërtimin e inceneratorit të Fierit.
Kujtojmë se më 23 shtator të vitit 2023, GJKKO vendosi dënimin e tij me katër vite e tetë muaj burg si pasojë e gjykimit të shkurtuar për inceneratorin e Fierit.
Mirëpo një vit më vonë, Gjykata e Posaçme e Apelit ktheu për rigjykim dosjen me një trupë tjetër gjykuese, duke prishur në këtë mënyrë vendimin e Shkallës së Parë.
Hetimet për inceneratorin e Fierit u mbyllën në Dhjetor 2022.
