Është mbledhur sërish këtë të mërkurë komisioni hetimor për Inceneratorët, ku ka patur debate mes palëve.
Kryetarja e Komisionit, Jorida Tabaku, i ka quajtur inceneratorët strukturë kriminale.
Sakaq, deputetja e Partisë Socialiste në Qarkun e Fierit, Antoneta Dhima është shprehur se qytetaret e Fierit janë falënderues pasi marrin ajër lirisht dhe plehrat tërhiqen nga bashkia e çohen në inceneratore.
Debatet në Komisionin Hetimor
Antoneta Dhima: Jo pra jo nuk ka vjedhur. Kush ka vjedhur mban përgjegjësi është individuale. E dashur Jorida nuk mbroj askënd.
Jorida Tabaku: Mos mbro se është strukturë kriminale.
Antoneta Dhima: Nuk mbroj askënd. Unë jam këtu për të dhënë mendimin e qytetarëve të Fierit sepse ata me kanë votuar dhe besuar. Qytetaret e Fierit janë falënderues sepse nuk digjen plehra në atmosferë dhe nuk mbyllin hermetikisht dyert dhe dritaret. Ata marrin ajër lirisht dhe plehrat tërhiqen nga bashkia dhe çohen në inceneratore. Mendohet së shpejti që edhe dy bashkitë e tjera Roskoveci dhe Patosi do të kenë një stacion grumbullimi që të ulin kostot e transportit. Sot zero lekë paguajnë bashkitë dhe përfaqësuesit tuaj ishin atje dhe kur e morën këtë informacion ikën me bisht ndër shalë. Objekti është atje. Sot do t’ua tregojmë edhe në Elbasan investimin që ka shpëtuar Elbasanin.
Tabaku: E falënderoj zonjën Antoneta për qytetarinë, për bishtat, kokat dhe çdo gjë tjetër që shprehur me gjithë shprehjet popullore të mundshme.
