Deputetja Ina Zhupa i është bashkuar sot Kuvendit Kombëtar të PD.
Në një prononcim për mediat ajo tha se po merr pjesë në këtë Kuvend jo për tu konsideruar si palë me një grup apo tjetrin, por për të bërë një akt nga ana e saj në drejtim të bashkimit.
“Unë marr pjesë në këtë Kuvend jo për tu konsideruar si palë me një grup apo tjetrin, por për të bërë një akt nga ana ime në drejtim të bashkimit dhe në respekt të demokratëve që ndodhen në këtë Kuvend. Një pjesë e të cilëve janë edhe nga dega e Sarandës dhe votues të PD. Sigurisht që ky nuk është akti i fundit sepse bashkimi është proces dhe ai duhet ndjekur hap pas hapi”.
