Sulmuesi i Lazios, Ciro Immobile ka folur për zërat që qarkullojnë në mërkato për një transferim të mundshëm tek skuadra e Milanit.
Gjatë një interviste i pyetur për këtë transferim, Immobile është shprehur: “Oferta nga Milani? Jam i lumtur në Romë me skuadrën e Lacios, pasi kam arritur të ambientohem mirë, unë dhe familja ime. Sa i përket të ardhmes sime, nuk mund të them asgjë për momentin, pasi është agjenti im ai i cili do të shqyrtojë ofertat dhe kur të vijë koha do filloj të mendoj për to”.
Sulmuesi italian është duke kaluar një formë fantastike tek skuadra e Lazios, ku këtë sezon shënoi 29 gola duke u shpallur kështu edhe golashënuesi më i mirë në SerieA, së bashku me Icardin, pasi edhe ky i fundit kishte shënuar të njëjtin numër golash me sulmuesin italian.
