Ekipi nënkampion i Shqipërisë, Partizani, ka shkarkuar trajnerin italian, Adolfo Sormani. Lajmin e ka njoftuar zyrtarisht klubi 15 herë kampion.
Shkak i këtij vendimi mësohet të jenë rezultatet e dobëta të italianit në krye të të kuqve.
Në vend të tij është emëruar Drejtori Sportiv, Sulejman Starova.
Deklarata e klubit të Partizanit
“ADOLFO SORMANI MBYLL AVENTUREN ME TE KUQTE
Tekniku Italian ka ndërprerë me mirëkuptim kontratën me 15- të herë kampionët e vendit. Klubi njofton se Adolfo Sormani ka ndërprerë aventurën me të kuqtë. Trajneri Italian nga sot nuk do të jetë më në drejtimin e 15 –të herë kampionëve të vendit. Palët kanë gjetur gjuhën e përbashkët duke ndërprerë me mirëkuptim bashkëpunimin mes tyre. Në krye të ekipit emërohet Sulejman Starova, i cili do të drejtojë sot edhe seancën e radhës stërvitore e cila do të zhvillohet në orën 14:30 në Kompleksin Sportiv “Tirana Internacional””.
