Miliona lekë për turzimin u janë akorduar disa shoqatave. Kryesisht ato do të punojnë ne sektorin e reklamimit të turizmit dhe krijimit të një panorame pozitive për vendin tonë. Por sa e rendësishmë është kjo kur në vend ka ende probleme thelbësore me sektorin në fjalë dhe ato leke, para se te shkonin tek këto shoqata të shkonin në terren? Më poshtë janë shifrat dhe kompanitë fituese:
16.4 miione lekë që do të ndajë Ministria e Ekonomisë për 5 nga 15 projekte që u hodhën në tryezë për zhvillimin e turizmit, një prej tyre do të tërheqë shumën 7.6 milionë lekë, ndërsa 4 tjerët do të ndajnë secili shumat në masën 2 milionë lekë secila.
Sipas ministres, Milva Ekonomi, e cila nënshkroi kontratat dy ditë më parë, ndarja e parave, nuk është bërë në masë të barabartë, por është bërë sipas aplikimeve dhe ideve që kanë sjellë, të cilat shoqërohen me një buxhet sipas mundë sive për të mbështetur vlerën e projektit.
Por kush janë fituesit, projektet që ata do të zhvillojnë në qytete të ndryshme, dhe cili është statusi dhe aktiviteti i tyre aktualisht. Fondin më të madh të parave, pas kontratës së firmosur me Ministrinë e Ekonomisë e merr “BiznesAlbania”.
E drejtuar nga Luan Bregasi, shoqata jofitimprurese, me 7 602 300 lekë në dispozicion, do të synojë të përmirësojë shërbimin turistik në Durrës e Pogradec, duke trajnuar stafin e 45 hoteleve e restoranteve në të dy qytetet. Ky projekt ka si qëllim rritjen e konkurrueshmërisë së turizmit rajonal. Ndërkohë, “BiznesAlbania” e themeluar në 6 vite më parë, është një shoqatë jofitimprurëse, e krijuar me iniciativën e shoqatave kryesore që operojnë në Shqipëri. Qëllimi i krijimit të “BiznesAlbania” është përfaqësimi dhe mbrojtja e interesave të bizneseve e shoqatave, ndërsa strategjia kryesore e “BiznesAlbania” është lobimi me qeverinë, parlamentin, media, shërbimet publike etj.
Platforma e dytë që merr 2.3 milionë lekë është hartuar nga “Skikuli Dot Com” dhe do të ngrejë nivelin e turizmit në Shqipëri përmes reklamimit dhe joshjes nga interneti, sidomos për të huajt, duke synuar kështu edhe rritjen e të ardhurave për operatorët turistikë. “Nëpërmjet këtij uebsite vizitorët do të kenë mundësi që të rezervojnë dhoma hotelesh, camping, makina dhe biçikleta me qira etj”, shpall projekti. Por, kush është Skikuli? Është kompani e themeluar nga Redon Skikuli me ide dhe programe për nxitjen e vetëpunësimeve, sidomos për të rinjtë. Art Kontakt është një tjetër shoqatë, e cila ka bindur Ministrinë e Ekonomisë për t’i marrë 2 milionë lekë, me qëllimin për të zhvilluar turizmin në qytetin e Tepelenës me platformën “Korridori Ali Pashë Tepelena”, duke krijuar kushtet për krijimin e një itinerari turistik, bazuar në rrjetin që u ndërtua gjatë kohës së sundimit të Ali Pashës.
Shoqata fituese është Qendër Kulturore Shqiptare krijuar si një projekt në Venecia të Italisë në 2003, dhe ndër të tjera ka për qëllim të promovojmë trashëgiminë kulturore Shqiptare. Për qytetin e Korçës nuk ka menduar vetëm ministria, që ka shpallur projektin si fitues, por edhe prefekti i qarkut Korçë. Duke marrë 2 milionë lekë, prefekti do të kërkojë të ndryshojë mendësinë për turizmin në qarkun juglindor, përmes projektit të biçikletave.
“Broshura pedaluese “Korça me biçikletë” do të përmbajë 19 itinerare me një total prej 864 kilometra në formën e një guide”, shkruan projekti. Mbetet për t’u parë se si do t’i përgjigjen banorët dhe turistët përgjigjes së prefektit që do të investojë 2 milionë lekë. Fituesja e fundit është Elona Pinguli, person fizik e regjistruar në QKR me objekt aktiviteti promovimin e turizmit. Duke ideuar projektin për të reklamuar Shqipërinë te qytetarët dhe operatorët turistikë italianë, ajo ka mundur të marrë për këtë nismë 2.5 milionë lekë.
