InstaBIZ

Icardi i mori bashkëshorten, Lopez: Nuk kam probleme me askënd


               Publikuar në : 21:47 - 19/10/19 |
el ida

Duket se historia e futbollistit argjentinas, Maxi Lopez, me ish-bashkëshorten Wanda Nara, e cila e la atë për t’u martuar më pas me shokun e tij, Mauro Icardi ka bërë më shumë lajm se karriera e tij si futbollist.

Edhe pse shpesh ka akuzuar çiftin që nuk e kanë lejuar të takojë 3 fëmijët e tij me Wandan, së fundmi Lopez ka bërë një hap pas.

Ai tha se e ka lënë të kaluarën pas krahëve për t’u ndjerë mirë me veten dhe për të jetuar në maksimum jetën e tij të re.

“Unë zgjodha të jem i lumtur. Është një zgjedhje për jetën. Gjërat mund të shkojnë mirë ose keq. Në atë moment unë dështova në jetën time në çift, por kam një jetë si baba dhe për fëmijët e mi. Unë nuk kam probleme me askënd. Gjithë çfarë dua, është të jap lumturi për fëmijët”, ka thënë Lopez gjatë një emisioni radiofonik në Itali.

Lopez, tashmë në moshën 35-vjeçaren, aktivizohet në Serie B në Itali me Crotonen./Opinion.al

Pas