Policia e Durrësit ka ndaluar shtetasin Miklovan Hasani 19 vjeç, banues në qytetin bregdetar, pasi një ditë më parë ka bërë kallëzim shtetasi A.I. 28 vjeç, banues në Durrës, se më datë 13.09.2016, në lagjen Nr.4, Durrës dy persona i kanë marrë me dhunë dy celularë.
Nga hetimet e kryera ka rezultuar se një nga autorët e dyshuar është shtetasi Miklovan Hasani. Vijon puna për identifikimin e autorit tjetër.
Hasani është person me preçedentë penalë të mëparshëm në fushën e veprave penale kundër pronës.
Materialet i kaluan për veprime të mëtejshme Prokurorisë së Rrethit Gjyqësor Durrës për veprën penale “Vjedhja me dhunë” në bashkëpunim parashikuar në nenin 139,25 të Kodit Penal.
