I tregon të dashurit padashje se e kishte tradhtuar, 17 vjeçarja vret veten

Një adoleshente 17-vjeçare i ka dhënë fund jetës, pas një mesazhi të gabuar që i dërgoi të dashurit të saj në Snapchat, ku i tregonte se e kishte tradhtuar. Mësohet se vajza menjëherë i ka kërkuar falje të dashurit të saj duke i shkruar se e donte dhe pse e dinte që ai e urrente. Charlote Guy dhe Jack kishin një lidhje të gjatë së bashku.
Në dëshminë e tij në polici djali është shprehur se 17-vjeçarja kishte dashur ta linte disa ditë përpara se të vriste veten. Ai tha se Charlotte doli jashtë për fundjavë duke i shkruar të dielën e 24 janarit se ajo donte të flisnin, por se ai ishte shumë i zënë.
“Pastaj ajo më dërgoi mua një mesazh në Spanchat që e kishte nisur për mikun e saj por ma kishte dërguar mua në vend të tij. Sipas atij mesazhi, ajo kishte fjetur me dikë të shtunën në mbrëmje. Ajo më tregoi që ai mesazh nuk ishte për mua dhe më kërkoi falje, më tha se ishte një person i tmerrshëm.
“Ajo tha se donte të fliste dhe të shpjegohej, por i thase se nuk doja të flisja ; le të ma shkruante në mesazh.”
Ai tha se i ra ziles së saj tri herë para se të merrte mesazhin final të lamtumirës. Më pas, thirri policinë dhe nxitoi për ta gjetur atë, por zbuloi tragjikisht trupin e saj pranë Kolegjit St John Rigby në Wigan, Greater manchester ku ajo studionte për kujdes shëndetësor.
Raportet e toksikologjisë treguan se vajza kishte pirë kokainë ndërkohë që kishte pirë dhe alkol.