Ushtria meksikane ka marrë nën kontroll qytetin e lindjes së një bosi të fuqishëm droge në shtetin e Michoacan, në perëndim të Meksikës.
Nemesio Oseguera Cervantes – i njohur si “El Mencho” – ka lindur në qytetin e Naranjo de Chila, Aguililla, dhe kërkohet në Meksikë dhe SHBA.
Për të ndaluar futjen e forcave të ushtrisë, anëtarët e kartelit që ai drejton “Jalisco Nueva Generacion”, kishin vendosur mina të fshehta.
Sipas BBC, minat tokësore vranë një person dhe plagosën të tjerë në javët e fundit.
Ndërkohë që mjetet e ushtrisë dhe ekipet e zbulimit të minave po patrullojnë qytetin.
“El Mencho”, i cili drejton Kartelin e Gjeneratës së Re Jalisco (CJNG), ka qenë në arrati prej vitesh.
Banda e tij është një nga kartelet më të fuqishme të drogës në Meksikë, besohet se qëndron pas sulmeve ndaj forcave meksikane të sigurisë, të tilla si një pritë e vitit 2015 në Jalisco, e cila la të vdekur 15 oficerë dhe gjithashtu kanë tentuar vrasjen e shefit të policisë së qytetit të Meksikos në vitin 2020./Opinion.al
