Është bërë virale në rrjet, fotoja e një të riu që qëndron me fytyrën mbështetur në tokë, ndërsa ndalohet nga policia, gjatë protestës për mbrojtjen e teatrit.
Në fakt të shumta kanë qenë reagimet që kanë shoqëruar përplasjen e policisë me qytetarët, ndërsa për foton në fjalë ka reaguar në rrjetet sociale edhe babai i të riut që u ndalua. Ai thotë se djali i tij, nuk është terrorist, por student në Akademinë e Arteve, ndërsa i drejtohet Kryeministrit me fjalët: “Edi Rama! Im bir Blendi Shahu që sheh në foto nuk eshte terrorist. Lirojeni! Është student i Akademise së Arteve. Ata që i bëjnë keq atij bëhen qyqe.”/Opinion.al
